CCAF-ը Ֆրանսիայի կառավարությանը կոչ է արել բացատրություն պահանջել Ադրբեջանից

CCAF-ը Ֆրանսիայի կառավարությանը կոչ է արել բացատրություն պահանջել Ադրբեջանից

CCAF-ը՝ Ֆրանսիայի հայկական կազմակերպությունների համակարգող խորհուրդը, հունվարի 13-ին հայտարարություն է տարածել, որը վերաբերում է Ադրբեջանի նախագահ Իլհամ Ալիևի սպառնալիքներին՝ ուղղված Ֆրանսիայի նախագահի թեկնածու Վալերի Պեկրեսին։ Ադրբեջանի նախագահը հայտարարել է, որ եթե ինքը տեղյակ լիներ, որ Ֆրանսիայի նախագահի թեկնածու Վալերի Պեկրեսը պատրաստվում է այցելել Լեռնային Ղարաբաղ, ապա թույլ չէր տա՝ այդ այցելությունը կայանար։

Անդրադառնալով  Ալիևի այս հայտարարությանը՝ CCAF-ը Ֆրանսիայի իշխանություններին կոչ է արել Ադրբեջանից բացատրություն և ներողություն պահանջել, ինչպես նաև Ադրբեջանից հետ կանչել Ֆրանսիայի դեսպանին և Ադրբեջանի դեսպանին արտաքսել Ֆրանսիայից։