Փետրվարի 11-ից 13-ը ԱԻՆ-ում ստացվել է 7 ահազանգ՝ շենք-շինություններում բռնկված հրդեհների վերաբերյալ
Փետրվարի 11-ից 13-ը ԱԻՆ ՓԾ ճգնաժամային կառավարման ազգային կենտրոնում ստացվել է 7 ահազանգ՝ հանրապետության տարբեր տարածքներում գտնվող շենք-շինություններում (տուն, վագոն-տնակ, անասնագոմ և այլն) և տրանսպորտային միջոցներում բռնկված հրդեհների վերաբերյալ:
Մասնավորապես՝ Երևանում, Լոռու մարզի Վանաձոր, Տավուշի մարզի Նոյեմբերյան, Սյունիքի մարզի Սիսիան քաղաքներում, Արմավիրի մարզի Նոր Արմավիր, Նորապատ և Գեղաքունիքի մարզի Լճաշեն գյուղերում:
Դեպքի վայր ժամանած հրշեջ-փրկարարները մարել են վերոնշյալ տարածքներում (ընդհանուր՝ 16 քմ) և տրանսպորտային միջոցներում բռնկված հրդեհները:
Կարծիքներ