Մահացել է Ահարոն Ադիբեկյանը

Կորոնավիրուսից մահացել է «Սոցիոմետր» սոցիոլոգիական կենտրոնի տնօրեն Ահարոն  Ադիբեկյանը, նա 78 տարեկան էր:

Ահարոն Ադիբեկյանը 1981-ին կազմակերպել է սոցիոլոգիական հետազոտությունների խումբ, որը առանց իրավաբանական կարգավիճակի, տնտհաշվարկային հիմունքներով հիմնարկ-ձեռնարկությունների համար կատարել է կիրառական ուսումնասիրություններ աշխատանքի կազմակերպման, աշխատակազմի կառավարման, բնակչության տնտեսական-քաղաքական ակտիվության, նոր սերունդների սոցիալականացման, ընտրությունների անցկացման խնդիրների վերաբերյալ։ 1988-ից մշակել և կիրառել է տարրական դպրոց և բարձրագույն ուսումնական հաստատություն ընդունելու թեստային համակարգեր։ 1988-ից զբաղվում էր մարքետինգային հետազոտություններով։ 1991-ին հիմնել էճ «Սոցիոմետր» սոցիոլոգիական կենտրոնը, որը կատարել է հետազոտություններ Համաշխարհային Բանկի, Զարգացման Ասիական Բանկի, UNDP-ի, INTAS-ի, IFES-ի, IDEA-ի, JICA-ի, CIVICUS-ի. WHO-ի, ՀՀ Կառավարության և առանձին նախարարությունների, տարբեր կուսակցությունների և հասարակական կազմակերպությունների և անհատ թեկնածուների պատվերներով: