Կասֆալտապատվի Բուժականի կենտրոնական ճանապարհը

2020թ.Կոտայքի մարզից պետական բյուջեից սուբվենցիաների տրամադրման համար ներկայացված շուրջ 105 հայտերի մեջ է նաև Եղվարդ խոշորացված համայնքի Բուժական բնակավայրի կենտրոնական ճանապարհի (1,5կմ) և կից ենթակառուցվածքների կապիտալ նորոգման ու գյուղեզրին զբոսաշրջային հանգույցի հիմնման ծրագիրը՝ շուրջ 292մլն ՀՀԴ ընդհանուր արժողությամբ (45%-55% համաֆինանսավորմամբ)։ Այս մասին հայտնում են Կոտայքի մարզպետարանից:
Ծրագիրն հաստատվել է Կառավարության կողմից:

Այսպիսով՝  հիմնովին կասֆալտապատվի Բուժական բնակավայրի կենտրոնական ճանապարհը՝ շուրջ 1.5կմ  հիմնովին կփոխվեն կից ջրահեռացման համակարգերը կանցկացվի գիշերային լուսավորություն:

Նաիրիի տարածաշրջանի Եղվարդ խոշորացված համայնքի բնակավայր մարզպետի վերջին այցի ժամանակ համայնքի ղեկավարի հետ տեղում դիտարկվեց ճանապարհահատվածը և ևս մեկ անգամ քննարկվեցին հետագա գործողությունների ճանապարհային քարտեզը:

 Այս ճանապարհով է անցնում դեպի Կոտայքի պատմամշակութային չքնաղ վայրերից մեկը՝ Թեղենյաց վանական համալիր տանող ուղին. հիմնանորոգվող հատվածը մեկնարկում է գյուղի կենտրոնական հրապարակից և ձգվում է մինչև գյուղեզր։ Վանական համալիր ձգվող՝ շուրջ 2.5 կմ գրունտային ճանապարհը ևս կհարթեցվի՝ անցանելի դառնալով ավտոմեքենաների համար։
Գյուղի վերևի հատվածում՝ անտառափեշին կկառուցվի խոշոր տուրիստական ավտոբուսների համար նախատեսված կայանատեղի։