Ռուսաստանի դեմ ԵՄ պատժամիջոցների նոր փաթեթն ավելի մեծ վնաս կհասցնի Եվրամիությանը. Զախարովա
Ռուսաստանի դեմ ԵՄ պատժամիջոցների նոր փաթեթն ավելի մեծ վնաս կհասցնի Եվրամիությանը՝ նշված է ՌԴ ԱԳՆ պաշտոնական ներկայացուցիչ Մարիա Զախարովայի հայտարարության մեջ:
Նա քննադատել է Եվրամիության որոշումը Ուկրաինայի և Մոլդովայի հետ անդամակցության շուրջ բանակցություններ սկսելու վերաբերյալ, հավելել՝ «ԵՄ-ի առճակատման քաղաքականության, Ուկրաինայի և Մոլդովայի վերաբերյալ որոշումների հետևանքների բարձր գինը ստիպված կլինի վճարել եվրոպական երկրների բնակչությունը»:
Զախարովայի խոսքով՝ այս իրավիճակում եվրոպական երկրներում «ամենապատասխանատու քաղաքական գործիչներն ավելի հաճախ են առաջնային համարում ազգային շահերը, այլ ոչ թե իրական կարիքներից կտրված եվրոպական համերաշխությունը»:
ՌԴ ԱԳՆ խոսնակի կարծիքով՝ ԵՄ-ն շարունակում է սրընթաց կորցնել ինչպես քաղաքական, այնպես էլ տնտեսական կշիռն աշխարհում:
Կարծիքներ