Բարսելոնա մեկնող հունական ինքնաթիռը հարկադիր վայրէջք է կատարել Նեապոլում
Հունական «Aegean Airlines» ընկերության ուղևորատար ինքնաթիռը հարկադիր վայրէջք է կատարել Նեապոլի օդանավակայանում:
Այս մասին հայտնել է տեղական «il Mattino» թերթը։
Ինքնաթիռում եղել է 156 ուղևոր և անձնակազմի վեց անդամ։ Նրանք հունական Սալոնիկից ուղեւորվել են իսպանական Բարսելոնա։
Նախնական տեղեկություններով՝ «Կապոդիչինո» օդանավակայանում վայրէջք է պահանջվել՝ խցիկի ճնշման հետ կապված խնդրի պատճառով։
Ուղևորներից մեկը խուճապի նոպա է ունեցել, պահանջվել է բժշկական օգնություն։
Նոր փոխարինող չվերթ է մեկնել Բարսելոնա։
Կարծիքներ