Լիահույս եմ, որ մեր բարեկամության ավանդական կապերը կշարունակեն ամրապնդվել. Եգիպտոսի նախագահը Անկախության օրվա առթիվ շնորհավորել է Արմեն Սարգսյանին
Հայաստանի Հանրապետււթյան Անկախության 30-ամյակի առթիվ ՀՀ նախագահ Արմեն Սարգսյանին շնորհավորական ուղերձ է հղել Եգիպտոսի Արաբական Հանրապետության նախագահ Աբդել Ֆաթթահ Ալ Սիսին:
«Անկախության օրվա առթիվ Ձեզ և բարեկամ հայ ժողովրդին եմ հղում իմ սրտագին ողջույններն ու լավագույն բարեմաղթանքները:
Լիահույս եմ, որ մեր բարեկամության արժեքավոր ավանդական կապերը և բազմակողմանի համագործակցությունն առաջիկա տարիներին կշարունակեն ամրապնդվել տարբեր ոլորտներում՝ ի նպաստ մեր երկու բարեկամ ժողովուրդների»,- ասվում է նախագահ Աբդել Ֆաթթահ Ալ Սիսիի ուղերձում:
Կարծիքներ