Սաուդյան Արաբիայում կտրուկ նվազել են թուրքական ապրանքների ներկրման ծավալները

Սաուդյան Արաբիայում թուրքական ապրանքների նկատմամբ բոյկոտն ու կիրառված արգելքն ազդել են Թուրքիայից Սաուդյան Արաբիա արտահանման ծավալների վրա: Հաղորդում է Еrmenihaber-ը։

Սաուդյան Արաբիայի վիճակագրական ծառայության տվյալներով՝ թուրքական ապրանքների ներկրման ծավալներում ամենացածր ցուցանիշը գրանցվել է 2020թ. դեկտեմբերին։

Նշվում է, որ եթե 2020թ. նոյեմբերին ներկրված ապրանքների ծավալը կազմում էր 49.194 մլն դոլար, ապա դեկտեմբերին այդ ցուցանիշը կազմել է 13.49 մլն դոլար: Նախորդ տարվա նույն ժամանակահատվածում այդ թիվը մոտ 290 մլն դոլար էր:

Սաուդյան Արաբիան նախկինում հանդիսանում էր Թուրքիայի խոշորագույն առևտրային գործընկերներից մեկը։ Թուրքիայից Սաուդյան Արաբիա արտահանման ծավալը տարեկան հասնում էր 3 միլիարդ դոլարի։