Վանդալները վնասել են Չելյաբինսկի գերեզմանատան մի քանի տասնյակ գերեզմանաքարեր
Չելյաբինսկի ոստիկանությունը քրեական գործ է հարուցել քաղաքի կենտրոնական թաղամասի գերեզմանատանը գտնվող մի քանի տասնյակ տապանաքարերի վնասման փաստի առթիվ: Այս մասին ՏԱՍՍ-ին հայտնել են Ռուսաստանի ներքին գործերի նախարարության մամուլի ծառայությունից:
«Ոստիկանությունը երեկ բողոք է ստացել, որ Չելյաբինսկի կենտրոնական շրջանի գերեզմանատանը հայտնաբերվել են մի քանի տասնյակ վնասված տապանաքարեր: Այս փաստի առթիվ այսօր ոստիկանության Կենտրոնական բաժնում հարուցվել է քրեական գործ 214-րդ հոդվածի 1-ին մասով։ Միջոցներ են ձեռնարկվում ներգրավված անձանց ինքնությունը պարզելու և ձերբակալելու ուղղությամբ», - ասված է մամուլի ծառայության հաղորդագրության մեջ:
Ըստ տեղական ԶԼՄ -ների հաղորդագրությունների, Միտրոֆանովսկոյե գերեզմանատանը 39 գերեզմանաքար է վնասվել: Սա քաղաքի ամենահին գերեզմանատներից է:
Կարծիքներ