Ռեփեր Solo 45-ը 24 տարի ազատազրկման է դատապարտվել տասնյակ բռնաբարությունների համար

Ռեփեր Solo 45-ը (իրական անունն Էնդի Անոկի), դատապարտվել է 24 տարի ազատազրկման, հայտնում է The Guardian-ը՝ մանրամասնելով, որ ռեփերը չորս կնոջ բռնի ուժով պահել է իր մոտ ու անընդհատ բռնաբարել նրանց:

Նրա գործողություններից տուժած կանայք նկարագրել են՝ ինչպես է ռեփերն իրենց ծեծել, սպառնացել զենքով, կապկպել ու ջուր լցրել դեմքներին՝ բռնության սարսափելի գործողությունները տեսանկարելով իր բջջայինով: Կանայք խոստովանել են, որ ռեփերն իրենց ժամերով տանջել է:

Պարբերականը հավելում է, որ նրա գործած հանցանքների տեսագրություններն այնչափ դաժան ու ինտիմ են եղել, որ դատական նիստի մասնակիցներից շատ քչերին է թույլ տրվել տեսնել դրանք:

33-ամյա արտիստը նշել է, որ իրեն դուր է եկել կանանց ահաբեկելը, սակայն ինչ վերաբերում է բռնաբարություն հիշեցնող սեռախաղին, ապա դա տեղի է ունեցել փոխհամաձայնությամբ:

Ընդհանուր առմամբ, Solo 45-ը մեղավոր է ճանաչվել 21 բռնաբարության համար: