Բռնցքամարտի կանանց ընտրանու ևս երկու ներկայացուցիչ դուրս մնաց ԱԱ-ից

Հայաստանի կանանց բռնցքամարտի հավաքականի երկու ներկայացուցիչները դուրս մնացին աշխարհի առաջնության հետագա պայքարից:

«Արմենպրես»-ի հաղորդմամբ` թուրքական Ստամբուլ քաղաքում ընթացող աշխարհի առաջնության 50 կգ քաշային կարգում Հայաստանի ներկայացուցիչ Անուշ Գրիգորյանը երկրորդ մենամարտում մրեց Ուզբեկստանից Ազիզա Յոկուբովայի հետ և զիջեց 4:1 հաշվով: Գրիգորյանը դուրս մնաց հետագա պայքարից:

Հայաստանի մեկ այլ ներկայացուցիչ` 54 կգ քաշային Եկատերինա Սվիչևան երկրորդ մենամարտում պարտություն կրեց թուրք մարզիկ Հադիսե Ակբաշից` 5:0 հաշվով:

Հայաստանի ներկայացուցիչներից պայքարը շարունակում է միայն 70 կգ քաշային Անի Հովսեփյանն, ով երկու հաղթանակ է տարել ընթացիկ առաջնությունում: