Ճապոնիայի վարչապետը խոստացել է 2024 թվականին վճռականորեն պաշտպանել երկրի ու ժողովրդի անվտանգությունը
Ճապոնիայի կառավարությունը կպաշտպանի իր ժողովրդի անվտանգությունը, ինչպես նաև իր տարածքները, տարածքային ջրերը և օդային տարածքը։ Այս մասին Ամանորի կապակցությամբ ուղերձում ասել է վարչապետ Ֆումիո Կիսիդան։
«Մենք վճռականորեն կպաշտպանենք մեր ժողովրդի անվտանգությունը, Ճապոնիայի տարածքները, տարածքային ջրերը և օդային տարածքը Արևելյան Ասիայում անվտանգության դժվար միջավայրի պայմաններում», - ասել է նա:
Խոսելով տնտեսության մասին՝ Ճապոնիայի կառավարության ղեկավարը խոստացել է անել ամեն ինչ, որպեսզի նոր տարում աշխատավարձի աճը գերազանցի գների աճը՝ ճապոնացիներին հնարավորություն տալով իսկապես զգալ պետության տնտեսական աճը։ Կիսիդան խոստացել է աշխատել՝ վերականգնելու հասարակության վստահությունը կառավարության և Ճապոնիայի իշխող Լիբերալ-դեմոկրատական կուսակցության (LDP) նկատմամբ, որը լրջորեն ցնցվել է մի շարք աղմկահարույց սկանդալներով։
Կարծիքներ