Մեխիկոյում ավտոբուսը մխրճվել է շենքի մեջ
Առնվազն 14 մարդ վիրավորվել է երեքշաբթի Մեխիկոյի հյուսիսում, որտեղ ավտոբուսը մխրճվել է տան մեջ։ Այս մասին հայտնում է ՏԱՍՍ-ը՝ հղում անելով մետրոպոլիայի տրանսպորտի վարչությանը։
Միջադեպը գրանցվել է քաղաքի հյուսիսում՝ Վալեխո շրջանում։
«Անհրաժեշտ ողջ տեղեկությունը կփոխանցվի դատախազություն՝ կատարվածի պատասխանատուներին պարզելու համար»,- ասվում է հաղորդագրությունում։ Հրապարակված լուսանկարներից երևում է, որ ավտոբուսը մեծ վնաս է կրել։
Տուժած ուղևորների վիճակի մասին տեղեկություն չի հրապարակվում։ Նախնական տվյալներով՝ բախման պատճառ է դարձել մեքենայի արգելակային համակարգի խափանումը։
Կարծիքներ