Ինչ տեսք է ստացել 50 տարի անց վերանորոգված «Շենգավիթի համալիր մարզաձևերի մարզադպրոցը»

70-ական թվականներին շահագործման հանձնված «Շենգավիթի համալիր մարզաձևերի մարզադպրոց»-ի համար 2022 թվականն առանձնակի նշանակություն է  ունեցել:

Համայնքային միջոցներով մեկնարկած հիմնանորոգման ծրագիրը հիմնովին փոխել է մարզական օջախի պայմաններն ու միջավայրը: Հաշվի առնելով աշխատանքների ծավալն ու շուրջ 6500 քմ տարածք զբաղեցնող կառույցի անմխիթար վիճակը՝ նախագիծը բաժանվել է փուլերի:

Երևանի քաղաքապետարանի տեղեկատվության վարչությունից հայտնում են, որ բոլորովին վերջերս հենց այս դպրոցի սաները ԱՄՆ-ի Լաս Վեգաս քաղաքում անցկացվող «Մեգամիթ 2023» մրցումներում հաջողություններ գրանցելով նվաճել են 11 ոսկե մեդալ։

Պատանի չեմպիոններին հյուրընկալել է Երևանի քաղաքապետ Հրաչյա Սարգսյանը: