«Ալ Ջազիրա». 24 ժամում 82 պաղեստինցի է զոհվել Գազայում իսրայելական հարձակման հետևանքով

Գազայի հատվածում Իսրայելի պաշտպանության բանակի ռազմական գործողության ընթացքում վերջին 24 ժամվա ընթացքում առնվազն 82 պաղեստինցի է զոհվել, 122-ը՝ վիրավորվել։ Այս մասին հայտնում է քաթարյան Al Jazeera հեռուստաալիքը ՝ հղում անելով անկլավի առողջապահության նախարարությանը։

Հեռուստաալիքի տվյալներով՝ իսրայելական օկուպացիոն ուժերը հարձակվել են Դեյր էլ Բալահի երկու տների վրա՝ սպանելով հինգ խաղաղ բնակիչների։ Առնվազն երեք պաղեստինցի զոհվել է, ևս մի քանիսը վիրավորվել են Խան Յունիսից արևելք ընկած Ալ-Քարա քաղաքում տան ռմբակոծման հետևանքով: Գազա քաղաքից արևմուտք գտնվող «Ալ-Շաթի» փախստականների ճամբարին Իսրայելի օդուժի հարձակման ժամանակ երկու պաղեստինցի խաղաղ բնակիչ է զոհվել, ևս 7-ը վիրավորվել են: