Չկա որևէ փաստական տվյալ,որը կվկայի ահաբեկչության առկայության մասին.Քյարամյան
«Սուրմալու» առևտրի կենտրոնում տեղի ունեցած պայթյունի քրեական գործում տարբեր վարկածներ են քննարկվում պայթյունի պատճառի վերաբերյալ, սակայն այս պահի դրությամբ չկա որևէ փաստական տվյալ, որը կվկայի ահաբեկչության կամ այլ որևէ դիտավորյալ հանցագործության հանցակազմի առկայության վերաբերյալ: Այդ մասին Կառավարության նիստին ասաց Հայաստանի Հանրապետության քննչական կոմիտեի նախագահ Արգիշտի Քյարամյանը:
ՀՀ վարչապետ Նիկոլ Փաշինյանի խոսքով՝ տեսագրություններից ակնհայտ է դառնում, որ այնտեղ ահաբեկչական գործողության տրամաբանությունը բացառվում է: «Տեսնում ենք՝ ծուխ կա, փախչող մարդիկ կան, որից հետո տեղի է ունեցել պայթյուն, և, ըստ էության, նաև վիզուալ տեղեկությունը, որ մենք ունենք, գրեթե բացառում է այդ հանգամանքը»,- նշեց վարչապետը:
Արգիշտի Քյարամյանը հավելեց, որ այս պահի դրությամբ քրգործում առկա ապացույցներն ավելի շատ վկայում են անզգուշության ձևով տեղի ունեցող հանցագործության վերաբերյալ:
Կարծիքներ