Փարաքարի նախկին ղեկավարին պատկանող խոզաբուծարանի պատճառով գարշահոտություն, հակասանիտարական վիճակ է ստեղծվել
Արմավիրի մարզի Փարաքար համայնքի բնակիչներից SHAMSHYAN.com-ը բազմաթիվ ահազանգեր է ստացել Փարաքար բնակավայրի Տիգրան Պետրոսյան փողոցի 19 հասցեում գործող, իբրև թե խոզաբուծարան համարվող ֆերմայի տերերի ապօրինությունների մասին:
Բնակիչները նշել են, որ տերերն իրենց թափոնները լցնելու պատճառով մի ամբողջ բնակավայրում տարածում են գարշահոտություն:
Երեկ՝ հունիսի 20-ին, նշված խոզաբուծարանի մոտ են հավաքվել մեծ թվով քաղաքացիներ, ովքեր պահանջել են որպեսզի խոզաբուծարանից դուրս եկող կեղտաջրերի արտահոսքը դադարեցվի: Բնակինչեը նշել են, որ ամռան այս օրերին հնարավոր չէ անգամ դուռ ու պատուհան բացել՝ տարածվող գարշահոտության պատճառով:
Նշված վայր են ժամանել ոստիկանության, Փարաքար խոշորացված համայնքի ղեկավարի աշխատակազմի ներկայացուցիչները, ովքեր ոչ միայն ականատես են եղել այդ հակասանիտարական վիճակին, այլև իրենք տուժել տարածված սաստիկ գարշաահոտությունից:
Կայքի տեղեկություններով՝ նշված խոզաբուծարանը Փարաքարի նախկին գյուղապետինն է, սակայն գրանցված է իր ազգականի անունով:
Խոզաբուծարանի կեղտն ու կենդանիների փորոտիքները լցվելով ողողում են մի ահռելի տարածք, իսկ գիշերային ժամերին նշված վայրով անցնելը էլ ավելի վտանգավոր է, քանի որ խոզաբուծարանի հոտից և թափված փորոտիքների հոտից հայտնվել են մեծաթիվ թափառող շներ:
Կարծիքներ