Հրդեհ Մայակովսկի գյուղում

Սեպտեմբերի 13-ին, ժամը 09:21-ին Մարզային ճգնաժամային կառավարման կենտրոն ահազանգ է ստացվել, որ Մայակովսկի-Ձորաղբյուր ավտոճանապարհի մոտակայքում գտնվող շինությունում հրդեհ է բռնկվել: Այս մասին հայտնում են ԱԻՆ-ից:

Դեպքի վայր է մեկնել ԱԻՆ ՓԾ Կոտայքի մարզային փրկարարական վարչության հրշեջ-փրկարարական ջոկատներից երկու և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ հրդեհը բռնկվել է Մայակովսկի գյուղի թիվ 2/14 հասցեում գտնվող «Զոր» ՍՊԸ-ի մոտակայքում գտնվող շինությունում:

Հրդեհը մեկուսացվել է ժամը 10:02-ին, մարվել՝ 10:33-ին: Այրվել են շինության (70 քմ) կառուցատարրերը և ներսում գտնվող գույքը։