Ով և ինչի համար է շահել «Օսկար». Ամերիկյան կինոակադեմիայի մրցանակաբաշխությունն անցել է օնլայն և օֆֆլայն

ԱՄՆ-ում անց է կացվել «Օսկար  2021» մրցանակաբաշխությունը, որի ձևաչափը կորոնավիրուսի համավարակի պատճառով փոխվել է։ Կազմակերպիչները չեն մեկտեղել բոլոր մասնակիցներին։ Շատ հյուրեր միացել են մրցանակաբաշխությանը տեսակապով՝ տնից: Բայց դա չի խանգարել, որ Կարմիր գորգն ու ներկայացված ֆիլմերը դիտարժան լինեն:

Եվ այսպես՝ «Լավագույն ֆիլմ» անվանակարգում «Оսկար»է շահել «Քոչվորների երկիր» ֆիլմը: «Քոչվորների» գլխավոր դերակատարուհին՝ Ֆրենսիս Մակդորմանը, տարվա լավագույն դերասանուհին է: Սա  արդեն նրա երրորդ «Օսկար» արձանիկն է:

Տղամարդու լավագույն դերակատարման համար «Օսկարի» արձանիկ է շահել Էնտոնի Հոփկինսը:

Լավագույն սցենարի համար «Օսկար» է շահել Էմիրալդ Ֆեննելը՝ «Հույս ներշնչող աղջիկը» ֆիլմի համար:

 Էրիկ Մեսսերշմիդտը «Օսկար» է շահել որպես լավագույն օպերատոր «Մանկ» ֆիլմի համար:

 «Լավագույն վարվերագրական ֆիլմ» անվանակարգում շահել է «Իմ ութոտնուկ ուսուցիչը»:

Որպես արտասահմանյան լավագույն ֆիլմ «Օսկար» է շահել դանիացի ռեժիսոր Թոմաս Վիտերբերգի «Եվս մեկը» ֆիլմը:

Ամերիկացի հիփ հոփ երգչուհի H.E.R.-ը մրցանակ է շահել «Հուդան և սև մեսսիան» ֆիլմում կատարած երգի համար: