Վթար Երեւանում. քարշակի ու մարդատարի բախման հետեւանքով կա 1 զոհ, 2 վիրավոր

Փետրվարի 17-ին, ժամը 20:25-ին Ճգնաժամային կառավարման ազգային կենտրոն ահազանգ է ստացվել, որ Երևանի Սարի թաղից դեպի հեռուստաաշտարակ տանող ճանապարհին տեղի է ունեցել ՃՏՊ․ կան արգելափակված տուժածներ, առկա է վառելիքի արտահոսք։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

Պարզվել է, որ Դավիթ Բեկի փողոցի թիվ 134/4 շենքի մոտակայքում բախվել են «Toyota Passo» մակնիշի ավտոմեքենան և «Mercedes» մակնիշի էվակուատորը (վարորդ՝ Գ․ Պ․)։

«Mercedes» մակնիշի ավտոմեքենայի վարորդ Գ․ Պ․-ն և «Toyota Passo» մակնիշի ավտոմեքենայից մեկ տուժած հոսպիտալացվել են «Էրեբունի» ԲԿ, մեկ այլ անձ տեղում մահացել է։

Փրկարարները հոսանքազրկել են «Mercedes» մակնիշի էվակուատորը և փակել «Toyota Passo» մակնիշի ավտոմեքենայի գազի բալոնի փականը։