ԵՄ-ն և ՆԱՏՕ-ն կուժեղացնեն ընդհանուր հույժ կարևոր ենթակառուցվածքների պաշտպանության աշխատանքը
Եվրամիությունը և ՆԱՏՕ-ն կուժեղացնեն ընդհանուր կարևորագույն ենթակառուցվածքների պաշտպանության համատեղ աշխատանքը: Ինչպես տեղեկանում ենք ТАСС գործակալությունից, հունիսի 29-ին այդ մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը` ժամանելով Բրյուսել՝ ԵՄ գագաթնաժողովին։
«Մենք միասին աշխատում ենք տարբեր ոլորտներում, այդ թվում՝ կարևորագույն ենթակառուցվածքների պաշտպանության: Այսօր հրապարակվել է զեկույց այն մասին, թե ինչպես կարող ենք ուժեղացնել այն, ինչ անում են ԵՄ-ն և ՆԱՏՕ-ն միասին, որպեսզի պաշտպանեն էներգետիկ, տրանսպորտային և մյուս կարևոր ենթակառուցվածքները», - ասել է նա:
Ստոլտենբերգն ընդգծել է, որ այդ խնդրով զբաղվում է ԵՄ-ի և ՆԱՏՕ-ի համատեղ աշխատանքային խումբը։
Կարծիքներ