Հրդեհ Քաջարանում, բուքմեյքերական գրասենյակում
Հայաստանի ԱԻՆ-ում, այսօր՝ մարտի 15-ին, ժամը 02:37-ին Սյունիքի մարզային ճգնաժամային կառավարման կենտրոն ահազանգ է ստացվել, որ Քաջարան քաղաքի «Գուդվին» ՍՊԸ-ի մասնաճյուղում հրդեհ է բռնկվել:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է Լեռնագործների 3 հասցեում գտնվող «Գուդվին» բուքմեյքերական գրասենյակում։
Հրդեհը մեկուսացվել է ժամը 03:30-ին, մարվել՝ 03:40-ին: Այրվել է գույք։
Կարծիքներ