Մակրոնն Ալիևին կոչ է արել ապահովել ԼՂ հայերի իրավունքներն ու անվտանգությունը
Ֆրանսիական կողմի նախաձեռնությամբ տեղի է ունեցել Էմանուել Մակրոնի և Իլհամ Ալիևի հեռախոսազրույցը: Ֆրանսիայի նախագահը Ադրբեջանին կոչ է արել Բաքվի ռազմական գործողության համատեքստում անվտանգության երաշխիքներ տալ ԼՂ բնակիչներին: Այս մասին հայտնում է AFP գործակալությունը՝ հղում կատարելով Ելիսեյան պալատին:
«Մակրոնը դատապարտել է ԼՂ-ում ուժ կիրառելու Ադրբեջանի որոշումը, որը խորացրել է հումանիտար ճգնաժամը և վտանգել արդար ու կայուն խաղաղության հասնելուն ուղղված ջանքերը»,- նշել է գործակալության աղբյուրը:
Ֆրանսիայի նախագահը Բաքվին կոչ է արել «ապահովել ԼՂ-ի բնակիչների իրավունքներն ու անվտանգությունը»:
Կարծիքներ