Apple-ը հայտնել է ապրիլի 20-ին անցկացվելիք հատուկ միջոցառման մասին
Ամերիկյան Apple ընկերությունը երեքշաբթի հայտարարել է, որ ապրիլի 20-ին հատուկ միջոցառում է անցկացնելու, որի շրջանակներում, ըստ կանխատեսումների, կներկայացվի iPad Pro-ի նորագույն մոդելները, ինչպես նաև այլ գաջեթներ:
Ինչպես հայտնում է Reuters գործակալությունը, տեխնոլոգիական հսկան իր հայտարարությամբ բացահայտումներ չի արել գալիք շնորհանդեսից՝ նշելով միայն, որ Կուպերտինոյի գրասենյակում կայանալիք միջոցառումը ուղիղ հեռարձակմամբ կցուցադրվի ընկերության կայքում:
Բացի այդ, հայտնի է, որ ամռանը կկայանա ամերիկյան ընկերության ամենամյա համաժողովը:
Ակնկալվում է, որ Apple-ը կներկայացնի նաև երկար սպասված AirTags կոչվող սարքավորումը, որը նախատեսված է գաջեթեների որոնման համար:
Կարծիքներ