Կթվայնացվի օտարերկրացիներին ՀՀ-ում կացության կարգավիճակի տրամադրման գործընթացը. նախագիծ

Ազգային ժողովում առաջին ընթերցմամբ քննարկվում է կառավարության ներկայացրած «Օտարերկրացիների մասին» օրենքում փոփոխություններ կատարելու նախագիծը։ ՆԳ նախարարի տեղակալ Արմեն Ղազարյանի խոսքով՝ նախաձեռնությունըaim ունի թվայնացնել օտարերկրացիներին կացության կարգավիճակ տրամադրելու գործընթացը, պարզեցնել հաշվառման վարչարարությունը և հստակեցնել կարգավիճակների տեսակներն ու տրամադրման մեխանիզմները։

Նախագծով նոր կարգավորում է սահմանվում նաև օտարերկրյա աշխատուժի համար աշխատանքային վիզաների տրամադրման մասով՝ հաշվի առնելով դեպի ՀՀ աճող միգրացիոն հոսքերը։ Մշտական կացության կարգավիճակ ստանալու լրացուցիչ հիմք է նախատեսվում ՀՀ-ին բացառիկ ծառայություններ մատուցած, սակայն երկրորդ քաղաքացիություն ձեռք բերելու սահմանափակում ունեցող օտարերկրացիների համար։

Վերանայվել են նաև պետական տուրքերը․ ժամանակավոր կացության համար սահմանվում է 150 հազար դրամ, մշտականի համար՝ 250 հազար դրամ տուրք։