Ռոնալդուն հավաքականում խփած գոլերի քանակով բոլոր ժամանակների լավագույն ռմբարկուն է

Պորտուգալիաի ֆուտբոլի ազգային հավաքականի և «Մանչեսթեր Յունայթեդ»-ի հարձակվող Քրիշտիանու Ռոնալդուն դարձավ ֆուտբոլի պատմության լավագույն ռմբարկուն՝ հավաքականում խփած գոլերի քանակով։ «Արմենպրես»-ի փոխանցմամբ՝ ֆուտբոլի աշխարհի առաջնության որակավորման փուլի շրջանակներում Պորտուգալիայի ազգային հավաքականը սեփական հարկի տակ 2-1 հաշվով առավելության հասավ Իռլանդիայի հավաքականի նկատմամբ։

Պորտուգալիայի հավաքականի կազմում 2 գոլն էլ հեղինակեց Ռոնալդուն, ինչի արդյունքում հավաքականում իր գոլերի քանակը հասցրեց 111-ի՝ շրջանցելով Իրանի ազգային հավաքականի նախկին ֆուտբոլիստ Ալի Դաեիին, ով Իրանի հավաքականի կազմում 109 գոլ է հեղինակել։

Ռոնալդուն Պորտուգալիայի ազգային հավաքականում անցկացրել է 180 խաղ։