Ֆրանսիայի պաշտպանության խորհուրդը կքննարկի Ավստրալիայի հետ սուզանավերի պայմանագրի չեղարկման հարցը

Ֆրանսիայի պաշտպանության խորհուրդը կքննարկի Ավստրալիայի հետ սուզանավերի պայմանագրի չեղարկման հարցը

Ֆրանսիայի պաշտպանության խորհուրդը երեքշաբթի կքննարկի Ավստրալիայի հետ սուզանավերի կառուցման պայմանագրի խզման շուրջ ստեղծված իրավիճակը:  ТАСС-ի հաղորմամբ՝ այս մասին երկուշաբթի օրը հայտարարվել է Ֆրանսիայի նախագահի վարչակազմում:

«Ֆրանսիայի պաշտպանության խորհուրդը երեքշաբթի առավոտյան նեղ կազմով կհանդիպի՝ քննարկելու համար ֆրանսիական սուզանավերի մատակարարման՝ Ավստրալիայի կողմից դադարեցման հարցը»,-ասել է Ելիսեյան պալատի ներկայացուցիչը:

Ավստրալիան, Միացյալ Թագավորությունը և Միացյալ Նահանգները սեպտեմբերի 15-ին հայտարարել են անվտանգության ոլորտում նոր գործընկերության մասին: Պայմանագրի շրջանակներում, մասնավորապես, Ավստրալիան նախատեսում է օգտագործել ամերիկյան տեխնոլոգիաները առնվազն ութ միջուկային սուզանավերի կառուցման համար, որոնցից առաջինը պատրաստ կլինի 2036 թվականին, ինչպես նաև զինել իր զինված ուժերը ամերիկյան թևավոր հրթիռներով: .