Քննարկվել են ջրօգտագործողների ընկերությունների 2022-ի նախնական ֆինանսական հոսքերի նախագծերը
Ջրային կոմիտեի նախագահ` ջրօգտագործողների ընկերությունների գործունեությունը կանոնակարգող խորհրդի գործադիր մարմնի ղեկավար Վահագն Գևորգյանի գլխավորությամբ տեղի է ունեցել աշխատանքային քննարկում`ջրօգտագործողների ընկերությունների 2022 թվականի նախնական ֆինանսական հոսքերի նախագծերի վերաբերյալ։
Օրակարգում 2021 թվականի հետևյալ կատարողական ցուցանիշների ներկայացումն է, որում ներառված են ⬇
2022 թվականի բյուջեի նախագիծը,
2022 թվականի հաստիքացուցակի նախագիծը,
ոռոգման սեզոնին ընդառաջ` գարնան նախապատրաստական աշխատանքների պլանավորումը,
Ընկերությունների սպասարկման տարածքների ոռոգելի հողերի, պահանջվող ոռոգման ջրի ծավալների և այլ պլանավորման ցուցանիշները:
Քննարկման ավարտին Կոմիտեի նախագահ, ջրօգտագործողների ընկերությունների գործունեությունը համակարգող գործադիր մարմնի ղեկավար Վահագն Գևորգյանը կարևորել է ջրօգտագործողների ընկերություններին տրամադրվող ֆինանսական աջակցության և դրանց օգտագործման արդյունավետությունը, ինչպես նաև ջրօգտագործողների ընկերությունների ղեկավարներին հանձնարարել է սահմանված կարգի համաձայն ամփոփել և Կոմիտե ներկայացնել 2022 թվականի բյուջեների նախագծերը:
Կարծիքներ