Սանկտ Պետերբուրգի արտադրամասում բռնկված խոշոր հրդեհի պատճառով ԱԻՆ 1 աշխատակից է մահացել

Սանկտ Պետերբուրգի արտադրամասում բռնկված խոշոր հրդեհի պատճառով ԱԻՆ 1 աշխատակից է մահացել

Սանկտ Պետերբուրգի «Նևսկայա մանուֆակտուրայի» արտադրամասի տարածքում խոշոր հրդեհ է բռնկվել, հաղորդում է ТАСС գործակալությունը։

Հրդեհաշիջման աշխատանքների ընթացքում մահացել է Արտակարգ իրավիճակների ծառայության 1 աշխատակից, ևս երկուսը վիրավորվել են։ Հրդեհի մակերեսը կազմել է 10 հազար քառ. մետր տարածք։ Արտադրամասի շենքից տարհանել են 40 աշխատակցի, որոնցից երկուսը հոսպիտալացվել են։ Եվս 1 աշխատակցի ճակատագիրն անհայտ է։

Ուժեղ քամու պատճառով կրակը հասել է նաև հարևան շինություն, որտեղ գործում է հոսթել։ Այնտեղից 50 մարդու են տարհանել։

Արտակարգ ծառայություններից հայտնել են, որ հրդեհի բռնկման պատճառ կարող էր լինել կարճ միացումը։ Հրդեհաշիջման աշխատանքներին մեծապես խոչընդոտել է ուժեղ քամին։

Հրդեհին տրվել է բարդության առավելագույն՝ հինգերորդ մակարդակ։

Իրավապահ մարմիններում ТАСС-ի աղբյուրը հայտնել է, որ արտադրամասի շենքում ավելի վաղ հայտնաբերվել են հրդեհային անվտանգության կանոնների խախտում։

Քննչական կոմիտեն քրեական գործ է հարուցել ԱԻՆ-ի աշխատակցի մահվան ապակցությամբ։

«Նևսկայա մանուֆակտուրայի» շենքը ճանաչվել է տարածաշրջանային նշանակության մշակութային օբյեկտ։ Այն կառուցվել է 19-րդ դարում։