ՃՈ ուժեղացված ծառայություն է իրականացվել Գյումրիում և Աշտարակում (տեսանյութ)
Հուլիսի 22-ին ՀՀ ճանապարհային ոստիկանության ծառայողներն ուժեղացված ծառայություն են իրականացրել Գյումրիում և Աշտարակում։
Արդյունքում՝ տարբեր խախտումների համար ճանապարհային ոստիկանության պահպանվող հատուկ տարածքներ է տեղափոխվել տրանսպորտային 20 միջոց։
Այս մասին տեղեկացնում է ՀՀ ոստիկանությունը:
Եվս 20 մեքենայի դիմապակին թույլատրելիից մուգ է եղել, 19 վարորդ մեքենան վարել է առանց ԱՊՊԱ պայմանագրի, մեկ վարորդ էլ՝ ոչ սթափ վիճակում:
2 մեքենա գտնվել է հետախուզման մեջ, ևս 2-ի համարանիշերը ժամկետանց են եղել:
Հայտնաբերվել է նաև հանդիպակաց գոտիով երթևեկող մեկ վարորդ, իսկ 7-ը չի ունեցել վարորդական իրավունքի վկայական։
Բոլոր օրինախախտների նկատմամբ կազմվել են վարչական իրավախախտման վերաբերյալ արձանագրություններ։
Կարծիքներ