Ճապոնացի գիտնականները ողնուղեղի վնասվածքը բուժելու համար օգտագործել են ցողունային բջիջներ

Կեյոյի համալսարանի ճապոնացի հետազոտողների խումբն իրականացրել է աշխարհում առաջին կլինիկական փորձարկումը՝ ողնուղեղի վնասվածքների բուժման համար ցողունային բջիջներից ստացված բջիջների փոխպատվաստմամբ: Այս մասին հայտնում է NHK հեռուստաալիքը։

Պրոֆեսորներ Օկանո Հիդեյուկին և Նակամուրա Մասայան ղեկավարում են գիտնականների խումբը, որն ուսումնասիրում է նյարդային ռեգեներացիան՝ օգտագործելով iPS բջիջներ: Շարժողական և զգայական ֆունկցիաները կորցրած հիվանդին հայտնել են, որ նրան փոխպատվաստել են iPS-ից ստացված մոտ երկու միլիոն բջիջ:

Ըստ գիտնականների՝ հիվանդի վիճակը լավ է։ Նրան մեկ տարի կվերահսկեն՝ համոզվելու, որ առողջացման ընթացքը նորմալ է։

Նշվում է, որ ևս 3 հիվանդ կենթարկվի նմանատիպ վիրահատությունների։

iPS բջիջները ցողունային բջիջներ են, որոնք օրգանիզմում կարող են վերածվել ցանկացած տեսակի բջիջների: