Բարդ խաղ էր, բայց կարևորը հաղթեցինք. Մխիթարյանն արձագանքել է Ուդինեզեի դեմ խաղին

Հայաստանի ազգային հավաքականի և «Ռոմայի» կիսաապաշտպան Հենրիխ Մխիթարյանը գրառում է կատարել սոց.ցանցի իր էջերում՝ անդրադառնալով իտալական Ա Սերիաի 5-րդ տուրում «Ուդինեզեի» նկատմամբ տարած հաղթանակին: 

«Ռոման» սեփական հարկի տակ ընդունել է «Ուդինեզեին» և 1-0 հաշվով հաղթանակ տարել՝ խաղավարտին էլ մնալով 10 հոգով:

«Բարդ խաղ էր, բայց կարևորը՝ մենք հաղթեցինք: Հիմա ամբողջովին պետք է կենտրոնանանք «Լացիոյի» դեմ կիրակի օրը կայանալիք դերբիին»,- գրել է Մխիթարյանը:

Մխիթարյանը «Ռոմայի» կազմում մասնակցել է «Ուդինեզեի» դեմ ամբողջ հանդիպմանը:

Այս հաղթանակից հետո Ժոզե Մոուրինյուի թիմը 12 միավոր ունի իր ակտիվում և բարձրացել է Ա Սերիայի մրցաշարային աղյուսակի 4-րդ հորիզոնականը: