Օդեսայում հրթիռային հարված է հասցվել Զելենսկու ավտոշարասյանը

Հունական Prototema թերթի փոխանցմամբ՝ Ռուսաստանը Օդեսայում հրթիռ է արձակել Ուկրաինայի նախագահ Վլադիմիր Զելենսկու ավտոշարասյան ուղղությամբ։

Այս մասին թերթը տեղեկություն է ստացել Հունաստանի կառավարության անանուն աղբյուրներից։ Ենթադրվում է, որ հրթիռն արձակվել է հունական պատվիրակության հետ հանդիպման ժամանակ։

Հրատարակության տվյալներով՝ հունական պատվիրակության անդամներից ոչ ոք չի տուժել։

Ըստ հունական լրատվամիջոցների՝ պայթյունը տեղի է ունեցել Հունաստանի վարչապետ Կիրիակոս Միցոտակիսի և Ուկրաինայի նախագահ Զելենսկու ծրագրված հանդիպումից առաջ։

Պայթյունը տեղի է ունեցել Հունաստանի առաքելության վայրից ընդամենը 150 մետր հեռավորության վրա, որում, բացի վարչապետից, եղել են ութ մարդ և անվտնագության աշխատակիցները։

Պաշտոնական հաստատում այս պահին չկա։