Մոսկվան սպառնում է «կոշտ պատասխան» տալ ուկրաինական զինված ուժերի՝ Ռուսաստանի շրջաններին հասցված հարվածներին

Ռուս պաշտոնյաները «ուժգին պատասխան» են խոստացել ռուսական մի քանի շրջանների վրա ուկրաինական հարձակումների մասին վերջին հաղորդումներին, այդ թվում՝ ուկրաինական զորքերի՝ դեպի Կուրսկի շրջանի խորքերը առաջխաղացման համար:

ՌԴ ԱԳՆ պաշտոնական ներկայացուցիչ Մարիա Զախարովան Կիևին մեղադրել է «ահաբեկչական գործունեության մեջ», որի միակ նպատակը, նրա կարծիքով, Ռուսաստանի խաղաղ բնակչությանը վախեցնելն է։

«Մենք կասկած չունենք, որ այդ հանցագործությունների կազմակերպիչներն ու հեղինակները, ներառյալ նրանց օտարերկրյա կուրատորները, պատասխանատվության կենթարկվեն: Ռուսաստանի Զինված ուժերի կոշտ պատասխանը սպասել չի տա»,- գրել է Զախարովան «Տելեգրամ»-ի իր ալիքում։

Նա հավելել է, որ Ուկրաինան լավ գիտի, որ վերջին հարձակումները «անիմաստ են ռազմական տեսանկյունից»։