Մեքենան դուրս է եկել երթևեկելի հատվածից, մոտ 5 մ գլորվել և կախվել հարակից ձորակը. կա տուժած

Նոյեմբերի 11-ին՝ ժամը 16։28-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ալավերդի-Բագրատաշեն ավտոճանապարհին տեղի է ունեցել ՃՏՊ, կա արգելափակված քաղաքացի․ անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ Ալավերդի-Բագրատաշեն ավտոճանապարհի 10-րդ կմ-ին «Ford» մակնիշի ավտոմեքենան (վարորդ՝ Վ․ Ա․, ծնված1972 թ․) դուրս է եկել ավտոճանապահի երթևեկելի հատվածից, մոտ 5 մ գլորվել և կախվել հարակից ձորակը. վարորդն արգելափակվել է ավտոմեքենայում:

Փրկարարները հոսանքազրկել են ավտոմեքենան, փակել գազի բալոնի փականը, սահմանազատել տարածքը, վարորդին դուրս բերել արգելափակումից և պատգարակով մոտեցրել շտապօգնության ավտոմեքենային․ տուժածը հոսպիտալացվել է բժշկական կենտրոն։