«Հայրենիք» կինոթատրոնի մոտ մեքենաներ են բախվել. կա զոհ

Մայիսի 20-ին, ժամը 14:25-ին Ճգնաժամային կառավարման ազգային կենտրոն ահազանգ է ստացվել, որ Երևանի «Հայրենիք» կինոթատրոնի մոտակայքում տեղի է ունեցել ՃՏՊ:

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ բախվել են «Ֆորդ էքսպլորեր», «Կիա ֆորտե » (վարորդ՝ Մ․ Ա․), «ԲՄՎ 3» (վարորդ՝ Ն․ Մ․, ծնված 2000 թ․), «Օպել աստրա G» (վարորդ՝ Մ․ Ս․, ծնված 1995 թ․), « Օպել աստրա G » (վարորդ՝ Մ․ Հ․, ծնված 1992 թ․) և «Մերսեդես C180» մակնիշների ավտոմեքենաները։

Փրկարարները «Ֆորդ էքսպլորեր» մակնիշի ավտոմեքենայի վարորդին դուրս են բերել ավտոմեքենայից, ցուցաբերել առաջին բուժօգնություն և մոտեցրել շտապօգնության ավտոմեքենային:

ԱԻՆ տեղեկատվությամբ, վարորդը մահացել է: