Հանուն հայրենիքի ու հանուն դիրքապահ տղերքի, զգոնությունը չկորցնեք՝ չպակասեք տղերք. (նկարներ, տեսանյութ)
Մի խումբ գյումրեցիներ արդեն մի քանի օր է նախաձեռնել և իրականացնում են անվադողերի հավաքագրում կենտրոնական հրապարակում։ Անվադողերը ուղարկվում է Տավուշի մարզի սահմանային դիրքեր։ freenews-ի հետ զրույցում կամավորները նշում էին, որ քանի դեռ առաջնագիծ գնալու անհրաժեշտություն չկա, կփորձենք թիկունքից օգնել, մեր բանակին։
«Անձրև չէ, արև չէ, ինչ գուզե էղնի, մենք կհավակենք անվադողներն ու կուղարկենք տղերքին։ Հերթական անվադողերը ուղևորվեց դեպի դիրքեր։ Աբռին թե՛ օգնողները եւ թե՛ չօգնողները»։
Նշենք, որ Գյումրիից և Շիրակի մարզի մյուս բնակավայրերից մարդիկ անվադողերը բերում են կենտրոնական հրապարակ, իսկ այդտեղից էլ բարձվում մեքենաները և ուղարկվում սահման։ Շիրակցին՝ մեծով ու փոքրով, անկախ եղանակային պայմաններից միավորվել է մեկ գաղափարի շուրջ՝ անել ամեն հնարավորն ու անհնարը սահմանն ու խրամատն անառիկ պահելու համար։
Մեծ քանակությամբ անվադող է հավաքվել կամավորների շնորհիվ սահման ուղարկելու համար։ Նախաձեռնությունը շարունակական է, երիտասարդները չեն դադարում իրենց ներդրումն ունենալ հայրենիքի պաշտպանության գործում։ Նրանց կարգախոսններն են․
Հանուն հայրենիքի ու հանուն դիրքապահ տղերքի, զգոնությունը չկորցնեք՝ չպակասեք տղերք։
Ծառայում եմ Հայաստանի Հանրապետությանը։ Պարտավորվում եմ սրբորեն կրել հայրենիքի պաշտպանության հավերժական կոչումը։
Ի դեպ, նշենք, որ Գյումրեցիները անվադողերը սահման տեղափոխելու նախաձեռնությունը սկսել էին դեռ 2016 թվականից։
Կարծիքներ