Կործանված ինքնաթիռը ուսումնավարժական թռիչք է իրականացրել. ՊՆ
Կոտայքի մարզում կործանված ԱՆ-2 ինքնաթիռը վթարվել է ուսումնավարժական թռիչքի ժամանակ:
Այս մասին տեղեկությունը «Հայկական ժամանակ»-ին հաստատեց պաշտպանության նախարարության խոսնակ Արամ Թորոսյանը՝ հաստատելով 2 զոհվածի մասին տեղեկությունը:
«Պաշտպանության նախարարությունը ցավակցում է զոհված օդաչուների ընտանիքների անդամներին, հարազատներին և ծառայակիցներին», - նշեց ՊՆ խոսնակը:
Ավելի վաղ հայտնել էինք, որ ինքնաթիռը կործանվել է Եղվարդ քաղաքի մոտակայքում, «Լճեր» կոչվող տարածքի մոտ:
Դեպքի վայր են ժամանել նաև ՀՀ Պաշտպանության նախարարության ներկայացուցիչներ։
Կարծիքներ