Օքլենդում տեղի ունեցած ահաբեկչության զոհերի թիվը հասել է 7-ի

Նոր Զելանդիայի Օքլենդ քաղաքի սուպերմարկետում երեկ տեղի ունեցած ահաբեկչության զոհերի թիվը հասել է 7-ի։ Տուժածներից 3-ի վիճակը ծայրահեղ ծանր է: Այս մասին շաբաթ օրը հայտարարել է Նոր Զելանդիայի վարչապետ Ջասինդա Արդերնը՝ լրագրողների համար առցանց ճեպազրույցի ժամանակ:

«Յոթ մարդ վիրավորվել է, երեքը ծայրահեղ ծանր վիճակում հիվանդանոցում են: Մնացածը բուժում են անցել և այժմ ապաքինվում են տանը», – ասել է վարչապետը:

Ավելի վաղ հաղորդվում էր 6 զոհի մասին: Արդերնը նաև ասել է, որ Օքլենդում մարդկանց վրա հարձակված տղամարդը ազատ է արձակվել բանտից այս տարվա հուլիսին ՝ երեք տարվա պատիժը կրելուց հետո։ Դա դատապարտվել էր իրավապահ մարմինների աշխատակիցների վրա զինված հարձակման փորձ կատարելու համար: Միևնույն ժամանակ, նրա շուրջ սահմանվել է շուրջօրյա հսկողություն ՝ համաձայնեցված անձամբ երկրի վարչապետի կողմից:

Այս դեպքից հետո Նոր Զելանդիայի վարչապետը տեղեկացրել է նաև, որ երկրի խորհրդարանը սեպտեմբերի վերջին կընդունի օրենսդրական ակտ, որը կդարձնի ահաբեկչական գործողության պլանավորումը և նախապատրաստումը քրեական հանցագործություն:

«Հենց խորհրդարանը կվերսկսի աշխատանքը (Նոր Զելանդիայի խորհրդարանը Վելինգթոնում կարանտինի պատճառով երկշաբաթյա արձակուրդում է), մենք կավարտենք այս գործընթացը: Այս ամսվա վերջից ոչ ուշ», – ասել է Արդերնը։