Հռոմի պապը հույս է հայտնել, որ բազմաթիվ երկրներ կընդունեն աֆղանական փախստականներին
Հռոմի Ֆրանցիսկոս պապը հույս ունի, որ Աֆղանստանից ժամանած փախստականները կընդունվեն շատ երկրների կողմից:
«Ես աղոթում եմ, որպեսզի շատ երկրներ ընդունեն ու պաշտպանեն նրանց, ովքեր նոր կյանք են փնտրում», - ինչպես հաղորդում է «Արմենպրես»-ը, վկայակոչելով ТАСС-ը, ասել է պապը՝ Սուրբ Պետրոսի հրապարակի ավանդական կիրակնօրյա պատարագի ընթացքում:
«Թող երիտասարդ աֆղանցիները կրթություն ստանան, դա մարդու զարգացման համար կարևորագույն բանն է: Ու թող բոլոր աֆղանցիները, լինեն նրանք իրենց տանը, ճանապարհին, թե այլ երկրներում, ապրեն խաղաղության ու եղբայրության մեջ իրենց հարևանների հետ»,- հավելել է Ֆրանցիսկոս պապը:
Կարծիքներ