19-ամյա երիտասարդի մեքենայի զննությամբ լիցքավորված ինքնաձիգ է հայտնաբերվել

Ոստիկանության Արմավիրի բաժնի ծառայողները տեղեկություններ էին ստացել, որ Այգեշատ գյուղի 19-ամյա բնակիչը իր «ՎԱԶ-2107» և «Գրանդ Շիրոկի» մակնիշի մեքենաներում Կալաշնիկովի ինքնաձիգ և ռազմամթերք է պահում:

Դեկտեմբերի 10-ին երիտասարդը, իր վարած «ՎԱԶ-2107» ավտոմեքենայով հանդերձ, բերման է ենթարկվել ոստիկանության Արմավիրի բաժին։ Ավտոմեքենայի զննությամբ հայտնաբերվել է ԱԿ ինքնաձիգ՝ 21 փամփուշտով լիցքավորված փամփշտատուփով։

Նշանակվել է դատաձգաբանական փորձաքննություն:

Երիտասարդը ձերբակալվել է:

Կատարվում է քննություն։

Ծանուցում. еնթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: