Չինաստանը երեք տիեզերագնաց կուղարկի իր նոր տիեզերակայան

Չինաստանը երեք տիեզերագնաց կուղարկի իր նոր տիեզերակայան՝ մինչ այժմ Պեկինի՝ օդաչուի կողմից կառավարվող ամենաերկար առաքելության շրջանակներում:

Երեք տիեզերագնացների թռիչքը կմեկնարկի շաբաթ՝  Չինաստանի հյուսիս-արեւմուտքում գտնվող Գոբի անապատից: Նրանք վեց ամիս կանցկացնեն Tianhe կոչվող տիեզերակայանի հիմնական մոդուլում:

Առաքելության նպատակը, որը ժամանակով կրկնակի գերազանցում է նախորդ ռեկորդը, Tiangong ծրագրի համար «կրիտիկական տեխնոլոգիաների» փորձարկումն է:

Առաքելության մասնակիցները նաեւ երկու-երեք անգամ դուրս կգան բաց տիեզերք՝ ապագա շինարարական աշխատանքների համար անհրաժեշտ բաղադրիչների տեղադրման համար:

Երեք «տայկոնավտների» մեջ, ինչպես Չինաստանն է կոչում իր տիեզերագնացներին, 55-ամյա Չժայ Չժիգանգն է, ժողովրդա-ազատագրական (ՉԺԱԲ) նախկին օդաչուն, ով առաջին անգամ բաց տիեզերք է դուրս եկել 2008 թվականին:

Անձնակազմի մեկ այլ անդամ՝ 41-ամյա Վան Յապինգը, կլինի առաջին կին տիեզերագնացը, ով կայցելի ազգային տիեզերակայան: 2013 թվականին նա դարձել է Չինաստանում երկրորդ կինը, ով եղել է տիեզերքում: