Չարենցավան քաղաքում ամառանոց է հրդեհվել
Մարտի 22-ին՝ ժամը 20:16-ին, Կոտայքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Չարենցավան քաղաքի Շահումյան փողոցի տներից մեկում։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ:
Պարզվել է, որ հրդեհը բռնկվել է Շահումյան փողոցում գտնվող ամառանոցում:
Հրդեհը մեկուսացվել է ժամը 20:32-ին, մարվել՝ 20:59-ին: Այրվել են ամառանոցի շոգեբաղնիքի կառուցատարրերը (մոտ 9 քմ), շքամուտքը (մոտ 7 քմ), սանհանգույցը (մոտ 2 քմ), և ջերմահարվել՝ առաստաղի փայտե երեսպատումը (մոտ 20 քմ):
Կարծիքներ