Արզնու խճուղում ավտոմեքենա է այրվել
Այսօր՝ հոկտեմբերի 26-ին, արտակարգ դեպք է տեղի ունեցել Կոտայքի մարզում։ Ժամը 19:00-ի սահմաններում ՀՀ Ներքին գործերի նախարարության Ոստիկանության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Աբովյան քաղաքի Արզնու խճուղում ավտոմեքենա է այրվել։
Այս մասին գրում է shamshyan.com-ը:
Պարզվել է, որ հրդեհ է բռնկվել Կոտայքի մարզի բնակիչ Գևորգ Ի.-ին պատկանող Mercedes մակնիշի ավտոմեքենայում։ Մինչ հրշեջների ժամանումը կրակի տարածման դեմ պայքարել են քաղաքացիները, ապա կրակը մարել են հրշեջները։
Ավտոմեքենան դարձել է ոչ շահագործելի։
Կարծիքներ