Մեքենան բախվել է բետոնե արգելապատնեշներին և կողաշրջվել․ կա 3 վիրավոր
Օգոստոսի 1-ին խոշոր ավտովթար է տեղի ունեցել Շիրակի մարզում։ Ժամը 20։50-ի սահմաններում «Honda ENS 1» մակնիշի ավտոմեքենան Երևան-Գյումրի ավտոճանապարհի 111 կմ հատվածում, դեռևս անհայտ հանգամանքներում դուրս եկել երթևեկելի գոտուց, բախվել է բետոնե արգելապատնեշներին և կողաշրջվել։
Shamshyan.com-ի հաղորդմամբ, վթարի հետևանքով 3 հոգի նախ տեղում առաջին բուժօգնությունն են ստացել, ապա տեղափոխվել Գյումրու բժշկական կենտրոն։
Վթարի փաստով Ախուրյանի քննչական բաժնում նախաձեռնվել է քրեական վարույթ, որտեղ էլ պարզվում են վարորդի և վիրավորների ինքնությունը։
Կարծիքներ