Ինչ նոր ունակություն են հայտնաբերվել շների մոտ

Ինչ նոր ունակություն են հայտնաբերվել շների մոտ

Հունգարացի նեյրոֆիզոլոգները պարզել են, որ շները կարողանում են իրենց մարմինը տարբերել այլ օբյեկտներից եւ գիտակցել դրա սահմանները: Նախկինում դա համարվում էր մարդու, պրիմատների եւ փղերի տարբերակիչ առանձնահատկությունը: Այս հետազոտության նկարագրությամբ հոդվածը հրապարակել է Scientific Reports գիտական ամսագիրը։

«Շները առայժմ միակ կենդանիներն են, որոնք իրենց հայելու մեջ չեն ճանաչում, սակայն գիտակցում են սեփական մարմնի սահմանները ։ Սա հաստատում է տեսությունը, որ ինքնագիտակցությունը բաղկացած է մի քանի փոխկապակցված հմտություններից, ընդ որում, նրանցից մի քանիսի առկայությունը կամ բացակայությունը որոշում են շրջակա միջավայրի պայմանները»,– պատմել է Բուդապեշտի համալսարանի կենդանաբանական այգու տնօրեն Ռիտա Լենկեյը, ով  հետազոտության հեղինակներից մեկն է: 

Վերջին տարիների ուսումնասիրությունները ցույց են տվել, որ շներն ունեն բազմաթիվ մտավոր եւ հոգեկան առանձնահատկություններ, որոնք նախկինում համարվում էին մարդու առանձնաշնորհը: Օրինակ, նրանք  տիրոջ օգտագործած բառերի  ինտոնացիան  եւ իմաստը տարբերակում են, ինչպես նաեւ տարբերակել   ծանոթների եւ անծանոթների դեմքին դաջված զգացմունքները: