Տիգրանաշենի ոլորանների սկզբնամասում ավտոմեքենան ընկել է ձորը․ կան տուժածներ

Հունիսի 24-ին՝ ժամը 17:59-ին, Արարատի մարզային ճգնաժամային կառավարման կենտրոն ահազանգ է ստացվել, որ Տիգրանաշենի ոլորանների սկզբնամասում ավտոմեքենան ընկել է ձորը։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Երասխ ավտոճանապարհի 77-րդ կմ-ին՝ կամրջի մոտակայքում, «Օպել Աստրա» մակնիշի ավտոմեքենան (վարորդ՝ Մ․ Ս․, ծնված 1986 թ.) դուրս է եկել ճանապարհի երթևեկելի հատվածից և ընկել մոտակա ձորը (մոտ 50 մ):

Մինչ փրկարարների կանչի վայր հասնելը՝ վարորդին, ուղևորներ Ս․ (ծնված 1996 թ.), Ա․ (ծնված 2016 թ.) և Մ․ (ծնված 2019 թ.) Ս-երին տեղի ուժերով դուրս են բերել ավտոմեքենայից։

Հրշեջ-փրկարարները հոսանքազրկել են ավտոմեքենան և տուժածներին մոտեցրել շտապօգնության ավտոմեքենային։ Վերջիններս հոսպիտալացվել են «Արարատի հիվանդանոց» ԲԿ, որտեղ բժիշկները նրանց առողջական վիճակը գնահատել են բավարար: