Աբխազիայի Հանրապետության նախագահը հրաժարական է տվել՝ նշելով պայմաններ

Կառավարության և ընդդիմության ներկայացուցիչները բանակցություններից հետո համաձայնագիր են ստորագրել, ըստ որի՝ Աբխազիայի Հանրապետության նախագահ Ասլան Բժանիան հրաժարական է տալիս, հայտնում է պետության ղեկավարի մամուլի ծառայությունը։

«Երկրում կայունությունն ու սահմանադրական կարգը պահպանելու համար, Աբխազիայի Հանրապետության Սահմանադրության 65-րդ հոդվածի համաձայն, ես հրաժարական եմ ներկայացնում Աբխազիայի Հանրապետության նախագահի պաշտոնից»,- ասված է Բժանիայի հայտարարության մեջ։

Ինչպես նաև, ըստ պայմանավորվածության, կառավարական շենքերի տարածքում և ներսում հավաքված քաղաքացիները պետք է ցրվեն նոյեմբերի 19-ին։ Այս կետը չկատարելու դեպքում նախագահ Բժանիան հետ կկանչի իր հրաժարականը։

Նոյեմբերի 19-ին Աբխազիայի Հանրապետության Ժողովրդական ժողով-խորհրդարանը կքննարկի Աբխազիայի նախագահ Բժանիայի հրաժարականը, իսկ ներկայիս փոխնախագահ Բադրա Գյունբան կդառնա պետության ղեկավարի պաշտոնակատարը։

Վարչապետ Ալեքանդր Անկվաբն ազատվել է զբաղեցրած պաշտոնից և միևնույն ժամանակ նշանակվել է Վալերի Բգանբան:

Ներկայիս նախարարներն իրենց պարտականությունները կատարելու են այնքան ժամանակ, քանի դեռ Աբխազիայի Հանրապետության նորընտիր նախագահը չի ստանձնել իր պարտականությունները, ինչպես նշված է կառավարության և ընդդիմության ներկայացուցիչների համաձայնագրում։