Պուերտո Ռիկոյի բնակիչները քվեարկել են կղզին ԱՄՆ նահանգ դարձնելու օգտին

Պուերտո Ռիկո կղզու բնակիչների կեսից ավելին հերթական անգամ քվեարկել է ԱՄՆ 51-րդ նահանգի կարգավիճակ ստանալու օգտին: Այս մասին տեղեկացնում է «ՌԻԱ Նովոստի» գործակալությունը:

Ձայների 95%-ի հաշվարկման արդյունքների համաձայն ՝ նահանգ դառնալու որոշմանը սատարել է ընտրողների 52%-ը: Այնուամենայնիվ, կամքի այս արտահայտումը իրավական ուժ չունի, քանի որ վերջնական որոշումը պետք է կայացնի Միացյալ Նահանգների Կոնգրեսը:

Պուերտո Ռիկոն 1898 թվականից համարվում է ԱՄՆ տարածք: Երկրի բնակիչները ԱՄՆ քաղաքացիներ են, բայց նրանք չեն կարող քվեարկել նախագահական ընտրություններում և ԱՄՆ Կոնգրեսում ներկայացված են սահմանափակ ձայնի իրավունք ունեցող միայն մեկ ներկայացուցչով:

Կղզու բնակիչներն առաջին անգամ չէ, որ քվեարկությամբ որոշում են կղզու կարգավիճակը: Վերջին անգամ նրանք ԱՄՆ-ին նահանգի կարգավիճակով միանալու որոշում էին կայացրել 2017 թվականին, սակայն ԱՄՆ արդարադատության նախարարությունը հավանություն չի տվել հարցը Կոնգրեսում քվեարկության դնելու առաջարկին: