Հայտնի է կորոնավիրուսի համավարակի ընթացքում ամենաանվտանգ երկիրն աշխարհում

Կորոնավիրուսի համավարակի պայմաններում ամենաանվտանգ երկրների վարկանիշային աղյուսակում առաջին տեղը զբաղեցնում է Սինգապուրը՝ առաջ անցնելով Նոր Զելանդիայից՝ փոխանցում է Bloomberg պարբերականը:

Երկրում համաճարակային լավատեսական իրավիճակի պատճառը բնակչության պատվաստման բարձր տեմպերը և վարակի տարածման արդյունավետ պայքարն են: Սինգապուրի իշխանությունները օպերատիվ կերպով փակել են սահմանները, ինչպես նաև խիստ սահմանափակումներ են կիրառել վարակվածների և նրանց հետ շփված մարդկանց նկատմամբ: Խիստ միջոցների կիրառման շնորհիվ հնարավոր է եղել վարակվածների թիվը նվազագույնի հասցնել: Հաշվի են առնվել մահացության դեպքերը, վարակվածների ընդհանուր թիվը, անցկացված թեստավորման քանակը և պատվաստման վիճակագրությունը:

Սինգապուրը հավաքել է 79,7 բալ, որին հետևում են Նոր Զելանդիան, Ավստրալիան և Իսրայելը: Հետազոտությանը մասնակցել է 53 երկիր: